اكبر واضخم مجموعة ابوذيات من alawe مدونة
اكبر واضخم مجموعة ابوذيات من alawe مدونة
يگلبي بيش اخيطنك ولحماك
ولا واحد شگف عنك ولاحماك
يجيك الضيم من دمك ولحمك
من اقاطعهم تلوم الناس بيه
عبد الواحد الهلالي
ــــــــــــــــــــــــــــــــــ
اشد الها تگلي الدهر واطاك
غرفلك هالكريم بحسن واطاك
لون ايدي تشل عليك والطك
اعلمك ما جره منك عليه
ــــــــــــــــــــــــــــــــــ
من مثلي تعذب من تمرمر
اشتحمل الدك يگلبي من تمرمر
تخطف گلوب بيدك من تمرمر
طريجك سلطة الباري عليه
ــــــــــــــــــــــــــــــــــ
تهزهز يا لحد وانفض ترابيك
وعزيز الروح هالنايم ترابيك
يباچر عيد وعيوني ترابيك
دضل بنومتك والنوح اليه
هاشم فليح – شطره
ــــــــــــــــــــــــــــــــــ
بس انه زماني وياي خوان
خلاني وحيد بغير خوان
وانتچلت على الصديق وطلع خوان
يحاول يسلب اهدوم العليه
ــــــــــــــــــــــــــــــــــ
ذلولي ما يجد للسير ضلعاي
انتحوا عني ومد البصر ضلعاي
شبه كسر الزجاج انكسر ضلعاي
بعد ما يرهم التجبير بيه
ــــــــــــــــــــــــــــــــــ
صوتي من نداي عليك ينباح
وسرنه لا تضن للغير ينباح
اتوده ليش يطلع چلب ينباح
تحذر لا يغدرك بالثنيه
ــــــــــــــــــــــــــــــــــ
احبابي شلون حالتكم بعدنه
اشبيدنه والوكت عنكم بعدنه
اچان انتم سلييتونه بعدنه
بذكركم كل صباح وكل مسيه
ــــــــــــــــــــــــــــــــــ
دليلي انزرف من الاه وانسه
شمشله يعرض ويه الخيط وانسه
يگلبي جوز عن اهواك وانسه
اشلون انسه وتصاويره بديه
ــــــــــــــــــــــــــــــــــ
عشرتك خوش للصاحب ويازت
الزواني لا تدك دكتك ويازت
فلانه من الخزي عفت ويازت
وتزيد انت عليهه القاط ميه
ــــــــــــــــــــــــــــــــــ
يحادي الضعن وين تريد ولميت
واخاف العزيز وياك ولميت
اچان اتريد وتولمت ولميت
بعد ماضل الك كل حك عليه
ــــــــــــــــــــــــــــــــــ
تجي بطروشنا طروشك حيينا
عزيز ومن تجي لينا حيينا
تموت انموت ومن تحيا حيينا
تصحا اصحا تمرض مرض بيه
ــــــــــــــــــــــــــــــــــ
حرت لا وين وجهي ووين مگفاي
على الخله دموع العين مگفاي
يگلبي لو احط الترف مگفاي
للمعشر ولا يصعب عليه
ــــــــــــــــــــــــــــــــــ
مسحت الدمع باليمنه ووحنت
ذكرته وضجت ضلوعي وحنت
الناگه تعلمت مني وحنت
مثل گلبي گلبهه انصدع هيه
ــــــــــــــــــــــــــــــــــ
شحم چلاي ذوبته من الحاي
وغدت سوده مراكبهه من الحاي
اجيت اتبع صفاينهم من الحاي
غدت شمس الضحى ظلمه عليه
ــــــــــــــــــــــــــــــــــ
المحبه ركزت بيه وعامات
وسهم الچبدتي تصابه وعامات
الي خالات خل يبچن وعمات
وعلي لاتطب تبچي الاجنبيه
ــــــــــــــــــــــــــــــــــ
لا عن طمع خاويتك وانه خواك
اطيحن باول صياحك ونخواك
ان چان انت خوي ليه انه خواك
ردتك للصدگ وانكتت بيه
ــــــــــــــــــــــــــــــــــ
الدنيا وياي زعلانه وانه الها
تبالي الدوم راعيهه وانه الها
وحگ سادة بني هاشم وانه الها
مگولن اخ لو تنجلب بيه
ــــــــــــــــــــــــــــــــــ
حلو لا مستوي حبي ولا ني
ولا عود اليسليني ولا ناي
العگد ضيج مفر مالي ولاني
دعلج ونفض ريشه عليه
ــــــــــــــــــــــــــــــــــ
ترف طولچ يعود الموز وانتي
ويشوكج بات بالدلال ونتي
يحكلي وياج اكظي العمر وانتي
جسم واحد وروح البيج بيه
ــــــــــــــــــــــــــــــــــ
وين اللي يصدر العيس لاميت
انشظى عگلي وعلي الناس لاميت
اريد اصبر واشوف الصبر لاميت
الصبر اثر اخزانه وعمل بيه
ــــــــــــــــــــــــــــــــــ
عيوني من سبب فرگاك حايات
مغذيني هواك اسموم حايات
اموت ولا اطلب من النذل حايات
علي بيت المرد عيني جويه
ــــــــــــــــــــــــــــــــــ
غريبه امها يصاحب وابهمنا
شعاع البدر خدها وابهمنا
انا ماريد عشره وابهمنا
عشرتك بالدقايق تمت بيه
ــــــــــــــــــــــــــــــــــ
حبيبي التين والزيتون وازهى
وشبه شجرة ربيع السنه وازههى
حضرها الواشي والنمام وزها
خله ابكل طويله نار السريه
عيدان
ــــــــــــــــــــــــــــــــــ
روحي والهوى ودنياي واعداي
لامتني جميع الناس وعداي
اريد اصبر واشوف شلون وعداي
واشوف العاقبه شصير بيه
عيدان
ــــــــــــــــــــــــــــــــــ
اعيونه گبل اشافه شتمني
ويعگلي الچان ثابت شتمني
انهجم بيتچ يروحي شتمني
تمنين الذي يصعب عليه
ــــــــــــــــــــــــــــــــــ
وين اللي يميز الحجي يزنه
نححجي زين يطلع شين يزنه
السله تريد ومن العنب يزنه
يصير اثنينهن يرحن عليه
ــــــــــــــــــــــــــــــــــ
عليك البس هدوم الحزن واحد
عزيز انت يهالنايم واليعز واحد
الناس تمشي وتودع نعش واحد
وانه ودعت خمسه وماردوا اليه
سامر
ــــــــــــــــــــــــــــــــــ
يوصفون العوارف شجر من شاف
على اطرافه يموج السيل منشاف
اكلنا التمر والغصن منشاف
ميت لا شاف شمس ولا وطيه
حسين الغالي
ــــــــــــــــــــــــــــــــــ
الدجى چلچل على جسمي وجله
انكشف رحل الصبا وجه وجله
عزت قدرة الباري وجله
خلق بلقيس وولفي سويه
حسين الغالي
ــــــــــــــــــــــــــــــــــ
وحك من صور الحاجب والعيون
لاجلك لاسكن البيده والعيون
وخزن جرح دلالي والعيون
يهلن كل صباح وكل مسيه
ــــــــــــــــــــــــــــــــــ
وحگ شفتين محبوبي وسنه
وعلى حالي بچت شيعه وسنه
لجر سيف الهجر لجلك وسنه
واحارب كل عدو يعاديك اليه
ــــــــــــــــــــــــــــــــــ
اريد اصبر وشوف اشلون وعداي
طحت بمرض مرض ايوب وعداي
اخبرك يا حبيبي گرب وعداي
البگه براسك هواك العم عليه
ــــــــــــــــــــــــــــــــــ
حسن يبني تلگه الضيف حي بيه
وعسى زاد الغديد سموم حي بيه
ياهو الجمع ماله وراح حي بيه
سعيد الحفظ عرضه من الرديه
ــــــــــــــــــــــــــــــــــ
اخوتك لا تعاديهم ومرهم
وطيع الكل ارادتهم ومرهم
همه الدوه لجروحك ومرهم
همه حزام ظهرك بالدنيه
ــــــــــــــــــــــــــــــــــ
سره ضعن الاوده بليل ياشال
ويرد سباح گلبي يرد ياشال
شوگع منه حبيبي وصاح ياشال
والنعم منه فلا تحصل رديه
ــــــــــــــــــــــــــــــــــ
وحك اللي وگفله الطير واحماه
ومن نحره يفوح المسچ واحماه
شفت حي دخل عالميت واحماه
كتل ربه ولا منه خطيه
ــــــــــــــــــــــــــــــــــ
وحگ اللي طعم للطير وذره
ومن نحره يفوح المسج وذره
شفت حي دخل عالميت وذره
كتل ربه ولا منه خطيه
ــــــــــــــــــــــــــــــــــ
اخوتي الچنت اودهم دوم يمناي
عگبهم ما تهوش اعداي يمناي
گمت اصفج يساري فوك يمناي
على ابن امي السره تحت الوطيه
ــــــــــــــــــــــــــــــــــ
غذاي الصبر والحنظل لهاماي
تشب النار من جدمي لهاماي
وين اليمله الجربه لها ماي
يطفي النار البگلبي السريه
ــــــــــــــــــــــــــــــــــ
همت بالبر يسار امشي ويامن
وراح المفرح كليبي ويامن
ويباجي العمر وين اگظي ويامن
گظيته بذل يلاهي التفت ليه
ــــــــــــــــــــــــــــــــــ
وحك راس النبي والحسن والحاج
وعلي نكبات دهري رواف والحاج
يشامت گوم شب نارك والحاج
وخلي شما يصير يصير بيه
ــــــــــــــــــــــــــــــــــ
علي دگي يوالدتي وناحي
ذبل عودي الچان يزهي وناحي
لا تفرح يهالشامت وناحي
افرح لو سره الجناز بيه
ــــــــــــــــــــــــــــــــــ
الدهر طگني بهامه ولاخر
صب دمع عيني ولاخر
صرت مثل العبرت واحد ولاخر
حالت بينهه وبينه المنيه
ــــــــــــــــــــــــــــــــــ
اشير على الرجال وعلي منشار
وضلعي ما يگصه اثنعش منشار
وين اطير وين تحط شركي عليك منشار
الزمك لو الك جنحان ميه
ــــــــــــــــــــــــــــــــــ
من سابگ تخالف شور منشار
واحنه اللي نگص بالجدم منشار
الحر مايلزمه الشرك منشار
يطير ولو حوه الجنحان ميه
ــــــــــــــــــــــــــــــــــ
يعت بيه الدهر مرات وانعيت
وعلى ضعون الجفتنه صحت وانعيت
يهل الطير البچيت الربع وانعيت
نعاك اللي نعاني اعلى الوطيه
ــــــــــــــــــــــــــــــــــ
انه الگايم لعد گومي ونخواي
وبيهم ما نفع صوتي ونخواي
الناس تلوذ باخوتهه وانه خواي
اگطعوا ما گطعت الشمات بيه
ــــــــــــــــــــــــــــــــــ
شربت التتن وانشبلي سعالاي
مريض ومحد امن اهلي سعالاي
نخيت امن الله والعباس سعالاي
زرگ رمحه ومرگ طيبه عليه
ــــــــــــــــــــــــــــــــــ
خذت عگلي يداحس واسره بيها
لذبهه بنار هجرك واسره بيها
شبه ست الزبيده واسره بيها
اغلطت ثاريها ليله العامريه
ــــــــــــــــــــــــــــــــــ
جرح گلبي يلاهي شوكت يلتم
جفو وصفيت مثلك يخي يلتم
لون نعرف شملنه شلون يلتم
وحياتي مطمع ولا بالدنيه
ــــــــــــــــــــــــــــــــــ
جرحي ما يفيده اخياط والشل
اخبرك يا حبيبي الدمع وشل
انه شبيدي اعلى الزعل يالليل وشل
شال وصبحت داره خليه
ــــــــــــــــــــــــــــــــــ
گلبي يلوع ما بطلت ونته
هلال العيد هل وراح ونته
يولف اصباي انه بذچرك دوم وانته
خايب بالوصل تبخل عليه
ــــــــــــــــــــــــــــــــــ
الدهر طگني ودعه بگلبي يراحاي
الدهر بدل دم السابج يراحاي
الدهر بالچ تامنينه يراحي
الدهر غدار وافعاله رديه
ــــــــــــــــــــــــــــــــــ
اخبرك حيل بيه بعد ماتم
عليك وبالگلب منصوب ماتم
شبابي وعز شبابك بعد ماتم
وخذك مني غفل سهم المنيه
ــــــــــــــــــــــــــــــــــ
سيوف الدهر بس وياي يارت
ومن وني جميع العرب يارت
عسى امي لا تلدني كون يارت
اولادة القهر اثرت عليه
ــــــــــــــــــــــــــــــــــ
اسألك بحضن الولف منام
بسبب واشي علي زعل منام
ربع الليل اليمر عليك منام
لا والوحش ديارك عليه
ــــــــــــــــــــــــــــــــــ
من دمعي رعاة ارتوت ونعاي
ومن وني انحنه الفولاذ ونعاي
يظل هذا ونيني عليك ونعاي
لمن يصفه الوكت وتعود اليه
القهر والاخ من صغري بدالي
وانه چم كاس الهنا دهري بدالي
لون تصير يا عاذل بدالي
تشوف شلون الام الدنيه
وحگ اللي انذبح بالطف وريده
احبه وبي الي رغبه وريده
اريد اصبر وخله وريده
اشوف شلون تاليته عليه
ناحل وامشي مكابر تراني
تراه الموت يدهاني تراني
واجلد خاف عدواني تراني
واگوه من يمر شامت عليه
بده وطر المنازل ياعلينه
عثر ونصيح كلحنه ياعلينه
على اهلك غيض ناچل ياعلينه
ادركني لا تشمت اعداي بيه
ردتك ذخر عد راسي وساده
وردتك سور للعيله وساده
وبعد لا تامن لمومن وساده
التشوفه حبل تراه راس حيه
ربي ليه القهر خصص وناله
الناس النعم سلوتها وناله
وكلمن اخذ محبوبه وناله
وانه نلته وفلت من بين اديه
بحياتي ما شفت ياناس راحات
اجيبن هاي كالو ذيج راحات
الليالي الماحسبت تروح راحات
اجتني الماردتهه تمر عليه
الهوى والله يذوب گلوب منصاد
وعمت عينه حبيبي بيوم منصاد
چنت صياد ماهر وابد منصاد
ولچن هسه انصدت غصبن عليه
هلا بالبيگ كل لسان ينشد
وبسمك كل حبل مگطوع ينشد
شگل للگصدني عليك ينشد
اگله مسافر لو درس تحت الوطيه
الدنيا شگد هم ودرد فيها
وسبعه وبس عليه ضاگ فيها
بناله دار يسكن عود فيها
ترك داره وسكن تحت الوطيه
يهالواگف على الازلال لاله
وخدك من شعاع الشمس لاله
لزمنه من الخدود وصاح لاله
بثنيت اهلي وتمد ايدك عليه
ــــــــــــــــــــــــــــــــــ
ابه افركچن لما ادميچن يراحاي
بسبب كل حين تلچمن يراحاي
الچ ضنه بعد بيهم يراحاي
لو گطع النزاع وهاي هيه
اسألك عن عفيش البر بيادار
احصدوه وبيدروا منه بيادار
اانشدك عن ثلاث امسن بيادار
الگمر وسهيل والنجمه السريه
ملوم الناس حيل اوياي منداي
انادي ولااظن يفيد منداي
الك راي بدليلي راي منداي
عظيم وبالتوالي يعم عليه
عسه لاطاب عيش الوكت بعداك
عزيز ولا علي بالهون بعداك
على الدنيا العفه ياصاح بعداك
جوار الدارسه وتبيد بيه
نكت بدعي دموع العين وتهل
وگظيت العمر بس حسرات وتهل
عادات البدور تغيب وتهل
غبت مالك يبدر الما تحيه
گصن ما زعزعن عزمي ولاذن
او بيه احتمت نكباتي ولاذن
اذا ناديت ماتسمع ولاذن
تبقن لا حياة اعله الوطيه
هاگلي يصاحب بعد شملاك
تشتت وانجسم نصين شملاك
اشبگه عندي اشخله الدهر شملاك
ابطرگ روحي العزيزه وهاي هيه
زماني حط الي عله يعله
ينزل الفوگ والواطي يعله
اود هسه العمر يگضي يعله
ولا عيش المذله يدوم اليه
ــــــــــــــــــــــــــــــــــ
زماني ملته روحي وملها
جفاها وگطع رجواها واملها
المصايب صرت انه ابوها واملها
بعد ماظن سروري يعود اليه
اشبصرك بالمصايب طبگ لو جن
احمدني ولاتلوم العگل لو جن
اذ الوجن تراني بسبب لوجن
الكرامه اودارهم ضلت خليه
تعال وشوف كل اعضاي ماجن
وانه صبر وعگل ماجن
اخبرك بالليالي جفن ماجن
بعد هيهات عودتهن اليه
روحي الماتذل ابدن وتابه
اصبحت طوعك بماتامر وتابه
السماحه بين كفينك وتابه
اخذ عكلي ودوجها يرشد اليه
الدهر غادر لعند النذل حبله
گصه والتف على الطيبين حبله
الرزيه تعت صار سنين حبله
معسره ولا اضنهه تجيب هيه
شبه جيد المها لو راد يلتاف
جفل وابعد ولا ظنيش يلتاف
حدي وياه لمن علي يلتاف
الچفن واتوسد تراب المنيه
يفز مثل الگطا كلبي منشفاه
وعلي الچان مشروبي منشفاه
عسه كلمن گطع شفي منشفاه
بمرض لا للشفا ولا للمنيه
ــــــــــــــــــــــــــــــــــ
ــــــــــــــــــــــــــــــــــ
گبل اديار خلاني لهاويد
مغبره او طير المنچر لهاويد
بعدهم لايلذ عيشي لهاويد
شيهودني وناري سريه
دوري بلهوة الحسرات يرحاي
بعد ماشوف دهري ابفرح يرحاي
نزف من حين فركاكم يرحاي
عبيط ونار دلالي سريه
تلوب الروح عيب ادري شملها
تون ولا فرح ساعه شملها
مته يلتم بعد فرگه شملها
وتعود الها لياليها الزهيه
من خدك اشمن دوم ورداي
ومن ريجك يحلو الريج ورداي
ابليل اشفاي اذب غطاي ورداي
السبب لن نارك بگلبي سريه
يحادي اضعون ساهي العين مرهان
نودع اللي بلب الگلب مرهان
شفت حلو الليالي وضگت مرهان
مثل يوم السرو ما صار بيه
ــــــــــــــــــــــــــــــــــ
ابضعن هجرك يناهي اليوم ماريت
اسلبت عگلي ولعند الريح ماريت
شفت كثرت مصايب ابد ماريت
مثل هذا مصابك فتك بيه
ــــــــــــــــــــــــــــــــــ
الدهر ظالم على الانسان لا جار
ما يرحم بنون احشاه لا جار
لا منهم صديج الفزع لا جار
ولامن راضع وياهم سويه
ــــــــــــــــــــــــــــــــــ
اشلون ايام دهري وياي هايت
ابحزن وانه من الشمات هايت
اصيح ولا صديج يگول هاييت
معا الشامت وگف ينظر عليه
اگظي الليل الك يا ترف منطار
عليكم والگلب نصين منطار
ماشوف طير ارتفع منطار
يطير شما يطير ارضه الوطيه
يخي بس بالمصايب ولعيانه
والنوايب علي دارت ولعيانه
اخذ دهري عزيزي ولعيانه
وشعر من هاي حبله التف عليه
عفاني وثگل اجدامي وهمها
ابو النكبات دلالي وهمها
يبويه انت خلصت منها وهمها
كورته وبگه داير عليه
دمعتي صلت خدي من يرتبه
العگل بالراس غيرك من يرتبه
رزيتي مثل يوسف من يرتبه
على يعكوب وانه اعظم رزيه
علامك ياجفن ما بطل وشلاك
افضحتني يصير اكظلك خيط واشلاك
دبس امن الرشيح ابعد واشلاك
المضه ماضن يعود النوب اليه
يخي والله المصايب لذعني
ابدليلي يوم شخصك لذعني
ابد ماشوف شامت لذعني
مته تحضر يطيب النوم اليه
نحولي عم على جسمي وراكيت
فرح مادام الي دمعي وراكيت
احبابي جيت لحماهم وراكيت
ردتهم عون اجوني ويه السريه
ــــــــــــــــــــــــــــــــــ
علامك يا عگل صابك شراكاي
اشمريد انهض على داير شراكاي
احبابي الچانو ابهمي شراكاي
گطع بيهم زماني وخان بيه
يحادي روعت گلبي بلحداي
ويخايب لفني وياهم بلحداي
اون طول الدهر حتى بلحداي
السبب شالوا وخلوني شجيه
حادي الليل حده ياليل ولاون
ابحداهم مادريت المن ولاون
احاه ما اگول من جرحي ولاون
چيف ادواي عد شمات اليه
عگب عينك يخويه الحال ما حال
شبت والشيب وكته بعد ما حال
روض الماشوفك بيه ما حال
ربيع يصير من تجبل عليه
مُر وكتي بعد ما چان حالاي
وسيل النزل بالدار حالاي
تعال انت يحمدي وشوف حالاي
وشوف النايبه الحلت عليه
ابو معيشي – سوق الشيوخ
حادي البين وين يريد حده
اخذ مني اليجزي الخصم حده
يشامت حيل سيفك علي حده
طريح وصح الك معراض بيه
ــــــــــــــــــــــــــــــــــ
ــــــــــــــــــــــــــــــــــ
علي صنف جيوشه الدهر وحدات
ولجل چتلي سيوف اسكرت وحدات
مدام اضعون اهلنه سرت وحدات
بگالنه بدارهم ذله واذيه
روحي خلافكم محد حملها
نشيطه ونهضت وشالت حملها
راح الچان بالكلفه حملها
وگطع بيها الزمان وخان بيه
احا بيوم المفارگ وعلمه
من اذكرنه ايطيح من چفي واعلمه
اليناشدني شگله وشراح اعلمه
اختنگ وحجايتي تصعب عليه
عفاني شلون الي مهجه والي روح
اداوي بالعلل كلها واليروح
لااني بحال من يبگه واليروح
ابحالك يلگطعت الوصل بيه
عليك الروح ما يبطل ولمها
وغيرك بعد ما تلگه ولمها
اريد اجمع دموع الحب ولمها
وطفي النار البگلبي السريه
صديج اللي توده مرعلينا
اجه والگه وكتنه مُر علينا
مره النه الليالي ومرعلينا
يگلبي لا تجيك المهضميه
اوجه دعوتي لربي مردها
طالت والقهر روحي مردها
اظعون الساگها الحادي مردها
تگفاها نذل وشلون بيه
كل ساعه بسهم روحي خللها
وهسه انكشف للشامت خللها
امس چان البنادكها خللها
اليوم اتنادم على الشجيه
چثير اصحاب اللي عديت واخوان
كل منهم جمره الدهر واخوان
ليالينا الجفن للغير واخوان
وانه بسهم الردى يرمن عليه
عبد الحسين حميدي شطره
وحك من نزل القران ونده
وروحي من ليالي العسر ونده
اريد امشي لداحي الباب ونده
بلكي يعودلي الغايب عليه
ايا عمري الگظه ولا شفت راحات
اعظ بشفاي حيل صفگت راحات
افراح الماحسبت تروح راحات
اجتني الماردتهه بسهم المنيه
ــــــــــــــــــــــــــــــــــ
العبره مكسره والدمع ماسال
جلد والحد مني دوم ماسال
اخوي اليوم زلت الوكت ماسال
مته ينفع اگولن اخو ليه
ــــــــــــــــــــــــــــــــــ
روحي من جفاكم عله بيهه
شور اليسري عليكم عله بيها
ونخيت انه الاهي عله بيها
يحفظولي العزيز من الاذيه
ــــــــــــــــــــــــــــــــــ
ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟
ــــــــــــــــــــــــــــــــــ
تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه
ــــــــــــــــــــــــــــــــــ
اخ يا ودي أخطفج أنا الليله
ونسوي أنا وياج جمبلو جومبوليله
حيييل حيييل حيييل تنطين علياااا
ــــــــــــــــــــــــــــــــــ
عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه
ــــــــــــــــــــــــــــــــــ
غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه
ــــــــــــــــــــــــــــــــــ
منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه
ــــــــــــــــــــــــــــــــــ
يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه
قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية
ــــــــــــــــــــــــــــــــــ
حبيبي شرد اسولفلك…ولكدر
والهموم مبن ماعاين…ولكدر
الي جان وكتي …ولكدر
وصرت انته والوكت عليه
ــــــــــــــــــــــــــــــــــ
نوبه حلوات الليالي نوبه…مرات
وحبيبة الروح علي ما…مرات
مو مره الخنتي يحبيبه…مرات
تخونين وتصح بيه الاذيه
ــــــــــــــــــــــــــــــــــ
هذه الابوذية عن صديق غدر بصديقه
المغدور يقول …
ولو مايسوى كلمة من اكتبة
ولكن سالفة ونكتة نكتبة
شنو حكم الغدر صاحب نكت بيه
عليه التف غفل لفة الحية
ــــــــــــــــــــــــــــــــــ
الجواب من احد الاصدقاء الخيرين ..
العقل بأمر الصديق ارجوك حكمة
وبدال النكتة خلي ايكون حكمة
اليغدر صاحبة مو مهم حكمة
المهم شلون نتلافة القضية
ــــــــــــــــــــــــــــــــــ
صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه
ــــــــــــــــــــــــــــــــــ
انة الحزت الصبر والصبر حزني
والف وسفة اعلة سيف الظلم حزني
البحر البيض لون يلفيه حزني
يصير اسود بلون اليل مية
ــــــــــــــــــــــــــــــــــ
أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه
ــــــــــــــــــــــــــــــــــ
سماك
حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه
ــــــــــــــــــــــــــــــــــ
احبك من جنت جاهل واناحباي
مابطل وني عليك ونحباي
لون ينكضي نحبك ونحباي
يتلاكه هوانا جوه الوطيه
ــــــــــــــــــــــــــــــــــ
جنت انت المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليه
ــــــــــــــــــــــــــــــــــ
ــــــــــــــــــــــــــــــــــ
جمر دمعي عله خدودي ترى سال
كطعََّتّّّّ اخبارك حبيب تراسل
انه انسليت من هجرك ترى سل
وتون الروح وتريد المنيه
يمرمرني ويصيحن بيه همال
وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه
اهداء الى اعز الناس على القلب
زماني شما لعب بيه…ولهتم
والراده علي يسري…ولهتم
بروحي شماتغيرتوا…ولهتم
لان حبكم دوه لكل مرض بيه
ــــــــــــــــــــــــــــــــــ
كلبي من الحزن ورث…وعطاب
وعيني اعله الطالع…وعطاب
حنيت لزادك وملحك…وعطاب
لان بس ملحك الغزر بيه
ــــــــــــــــــــــــــــــــــ
جيتك وبظلام الليل …عناي
وعزفت بروحي مية جرح…عناي
بعد ما ظنك تنشد…عناي
بعد هجرك يروح الروح اليه
ــــــــــــــــــــــــــــــــــ
مره اشوفكم مشمش…مرتين
وكلبي مو مره حب…مرتين
العنده مره هلكانوانه…مرتين
وحده ترفع والثانيه تكبس بيه
ــــــــــــــــــــــــــــــــــ
بنات الوكت يا ناس…مرضني
يرضي بيهن الكلب…مايرضيني
مره يقيني يصيب وياهن…مرضني
ضني بكيدهن ميه بالميه
ــــــــــــــــــــــــــــــــــ
فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه
ــــــــــــــــــــــــــــــــــ
نساك الطلع برة ونـتـناسة
يالعراق انت اهله وانت ناسة
يذكرك تراب الوطن وانت ناسة
لاتنسة الفرات من شربت ميه
ــــــــــــــــــــــــــــــــــ
ــــــــــــــــــــــــــــــــــ
لوما شفتك انه
متت من العطش لوما … شفتك انه
اذا ما شفتك انه …. شفتك انه
ابكل الناس من تكبل عليه
ــــــــــــــــــــــــــــــــــ
ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟
ــــــــــــــــــــــــــــــــــ
تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه
ــــــــــــــــــــــــــــــــــ
عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه
ــــــــــــــــــــــــــــــــــ
غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه
ــــــــــــــــــــــــــــــــــ
منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه
ــــــــــــــــــــــــــــــــــ
يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه
ــــــــــــــــــــــــــــــــــ
قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية
ــــــــــــــــــــــــــــــــــ
حبيبي شرد اسولفلك…ولكدر
والهموم مبن ماعاين…ولكدر
الي جان وكتي …ولكدر
وصرت انته والوكت عليه
ــــــــــــــــــــــــــــــــــ
خاوه
ذبـل عرش القلب لجلك وخاوه
وطمع ماريد من عندك وخاوه
الفخر موللذي عاشر وخاوه
الفخر والطيب لليذكر اخيه
ــــــــــــــــــــــــــــــــــ
عناي
اريداقطع طريق الشوق عناي
واسولف للوفي من الناس عناي
صديقي اليرد الضيم عناي
ويوم الضيق يصبح درع اليه
ــــــــــــــــــــــــــــــــــ
غابت
وحق الي عليه الشمس غابت
شكثر اخوان وقت الضيق غابت
وشقد مصايب صارت وغابت
وضلت بس الشماته تّمر عليه
ــــــــــــــــــــــــــــــــــ
راسي
سهول الناس عندي وانت راسي
سفن غرقت بحري وانت راسي
انت صديقي واخوي وتاج راسي
واعز منك ترى ماكو عليه
ــــــــــــــــــــــــــــــــــ
اضل سنين اودك وانت غالي
بعت عمري واشتريتك وانت غالي
كل الناس ترخص وانت غالي
غلاتك اغلى من روحي عليه
ــــــــــــــــــــــــــــــــــ
فرغ قلبي بحزن ياناس املاء
واسمك صار واجب علي واملاء
احبك هل تحبني جاوب نعم ام لا
عليك الله بنعم جاوب عليه
ــــــــــــــــــــــــــــــــــ
وحق الناي من يعزف وخنته ،،،
أبد ما عاشرت صاحب وخنته ،،،
حبيبي وصاحبي وروحي وأخي إنته ،،،
وإنتة الرمز للخوة القوية
* شعر ابوذيات *
صب دمعي على الوجنات ياهل
أوماتدرون بيا اشصـــــار ياهل
صرت عصفور جني بيـد ياهل
أهـو يــلعب وانــا اشــــنون بيه
ــــــــــــــــــــــــــــــــــ
لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه
ــــــــــــــــــــــــــــــــــ
أنا ابميزان الهوى عاني كفاني
أوحي لاتحسب العاشق كفاني
أناتبت قلت الدي بـــــيا كفاني
أنا شجاني اوعاودة سوده عليه
ــــــــــــــــــــــــــــــــــ
شهر سيف الهجر ضدي وسله
نساني اوراح وي غيري وسله
عنب ماحصلت مـــــــنه وسله
طلع ذيب أوكتلني اربـات إديه
ــــــــــــــــــــــــــــــــــ
وسفه الدهر شتتــكم وطركم
حسافه ماكـضه منهم وطركم
بذجركم هذا انه اهذي وكركم
يعيد الله شتتـــكم جمع ليه
ــــــــــــــــــــــــــــــــــ
تبنا من العشـــــــق واردود عدنه
وحسبنا اسنين مره وتــــــاه عدنه
أهوايه بالسلف حلـــــــوات عدنه
لون روحك صدق خضره وطريه
ــــــــــــــــــــــــــــــــــ
زماني جرد اســيوفه وسنهه
عليه اوحرمــت عيني وسنهه
وحق اللي فرض خمسه وسنهه
بعد هيهات عيـش ايصير اليه
ــــــــــــــــــــــــــــــــــ
أنا ماحسبت لن شــوقك وبالي
وعودي ذبل بفــــــراقك وبالي
أقوم أنا أويا الربع واقعد وبالي
بويا يمك ولشـــــواق أدور بيه
ــــــــــــــــــــــــــــــــــ
يحادي روعت قلبي بلحداي
يخايب لفني وياهـم بلحداي
اون طول الدهر حتى بلحدي
على الساروا وخلوني شجيه
ــــــــــــــــــــــــــــــــــ
ــــــــــــــــــــــــــــــــــ
حبك من شفـــــاف القلب عتباي
ولانوبه أذكرتنا واوصلت عتباي
أعتب مانفـــــــــــع وياك عتباي
على ياهي أزعـلت واقطعت بيه
ــــــــــــــــــــــــــــــــــ
هذا البيه كنتـــم لايميني
وعذر مافاد بيــكم لايميني
لو تكتف يسـاري وي يميني
هذاك انه الهوى غالب عليه
ــــــــــــــــــــــــــــــــــ
بــودادك آخ للـــــــــــدلال فخار
جدب كلمن عليه الجـــــــد فخار
اختلاج الناس من صلصال فخار
وحبيبي اختلق بالقـــــدره العليه
ــــــــــــــــــــــــــــــــــ
اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه
ــــــــــــــــــــــــــــــــــ
صعدت اجبال فوق اجبال عالي
أوصرخت صوتين يم قدله تعالي
يـنـيـت قـــصـر بـالجـــنه تعالي
نــرد نـســـكن أنـــا ونــته سويه
ــــــــــــــــــــــــــــــــــ
كحل بالعـــين أحـــــــــبابي يحطون
أوياحربه أمسومره أبقصبى يحطون
ياليت أهلك أبجــــنب أهلي يحطون
نـــنام أثـنـيـــنا أونلتــــــــــف سويه
ــــــــــــــــــــــــــــــــــ
روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه
ــــــــــــــــــــــــــــــــــ
دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه
ــــــــــــــــــــــــــــــــــ
مجموعة ابوذيات روعة
أبد ماطاعن بضهرك ولانام
علي رب العرش يشهد ولانام
صرت لاليل اهجع بي ولانام
ولا اكدر اكول شصار بية
ــــــــــــــــــــــــــــــــــ
يبابك بعد مادكة ولا فوت
ولا من دربك اتعدة ولا فوت
ولامتر اقترب منك ولا فوت
ولا اريدك بعد تسأل علية
ــــــــــــــــــــــــــــــــــ
روحي تريد روحك بستكانة
وشكر ياطعم شفتك بستكانة
حبيبي اكبال ربعك بستك انة
ولا هميتهم لا والزجية
ــــــــــــــــــــــــــــــــــ
اتعارك ياحلو لجلك واطك طك
وللحساد اذب حرمل واطك طك
افرح من تراسلني واطك طك
واطك اصبع من تسأل علية
ــــــــــــــــــــــــــــــــــ
ليش انت الشماتة بس تجرحك
عدلة ادفنهة روحي بس تجرحك
من كد مااحبك بست جرحك
وتمنيتة يظل للموت بية
ــــــــــــــــــــــــــــــــــ
ــــــــــــــــــــــــــــــــــ
عشكتك عشك ذايب ماهواني
وكلبك جنه عمده ماهواني
علي كمت ادور ماهواني
ضعت بلكت تجي ادور علية
ــــــــــــــــــــــــــــــــــ
يروح الروح للمحبوب شهدي
انا النحلة النحيلة وخلص شهدي
حرت للورد غير الورد شهدي
الورد بس للورد يصلح هدية
ــــــــــــــــــــــــــــــــــ
دليلي بسيف هجرانك قسمتاه
اليحبك ضاع بدروبك قسم تاه
اخذ كل واحد من اللة قسمته
وقسمتي وياك احبك للمنية
ــــــــــــــــــــــــــــــــــ
اضـل للمـوت اصيحـاً .. بسمك انة
حـروفي بوسـط اسمـك .. بسمك انة
اعـربـك بسـم انـة و .. بسم كانة
اذا اعرب غلط تصبح قضية
ــــــــــــــــــــــــــــــــــ
شسولف عـن ضلم جـورك .. وفجرك
لكـومـن مـن صبـاح الله .. وفجرك
واطب اعليك ناسـف ثـق .. وفجرك
اذا متموت الوحك بلشضية
ــــــــــــــــــــــــــــــــــ
نسيت انـة الفرض انسـة .. وصليك
وكلـبي مـن القهر ينـزف .. وصليك
كون انـة بغضب مـاأدري .. وصليك
وافرغ بيك شاجور ابو المية
ــــــــــــــــــــــــــــــــــ
مافد يـوم حـب بيـك .. اخترعنة
احسـاس الكـلب بينـة .. اخترعنة
بـس ملكـاك بيـة والله .. اخترعنة
حسبتك جني بوية وهد علية
ــــــــــــــــــــــــــــــــــ
مثــل نـور الكمر نـورك .. واحلة
صرت ماي انة لجلك وانـت .. واحلة
تبـقـة انـت لغز عمـري .. واحلة
من اشيب انة احلة بهاي ادية
ــــــــــــــــــــــــــــــــــ
انـة الموت وكتـة ويـاي .. حل حل
وعلي دنيـاي كلهة تصيح .. حل حل
بتــابوت وجفن غطـوني .. حل حل
مايرضة يتلفلف بي علية
مجموعة ابو ذيات لكبار الشعراء
ابوذيات لكبار الشعراء
ــــــــــــــــــــــــــــــــــ
نور اللامي
وكان شعجب زعلت .. من ايّانه
وشوف شصار بية .. من ايانة
انة شعجب يزعل .. مني انة
وعلية شعجب يزعل من علية
ــــــــــــــــــــــــــــــــــ
حسين الساعدي
جنت ما تعرف امن الحجي جُمله
وعلمتك علوم الكون جمله
المفروض الجَملك بالمثل جَمله
مو باول مقاله اتهد عليه
ــــــــــــــــــــــــــــــــــ
صباح الهلالي
انة الما يوم عاذل .. ملكيتة
وابد ما امل زماني .. مل لكيتة
يريدوني اهدّة .. من لكيتة
اعمة وجلبّت شيفك ايدية
ــــــــــــــــــــــــــــــــــ
نور اللامي
انة من سنين احبك .. هايم انة
وكل حسرة بدليلي .. هايمانة
يكلبي انطيني جفك .. هاي امانة
حبيبي بمهجتك ضمّة الية
ــــــــــــــــــــــــــــــــــ
عطا السعيدي
منهو الكدرك يا زين ..من ساك
يبو ثغر البعود الارك .. منساك
انة بحتف المناية وكلت .. منساك
بنهر جسام وذكرك عصف بية
ــــــــــــــــــــــــــــــــــ
حسين الساعدي
الزمن هيهات يلوي ساعدي انه
ونساعد دوم كلمن ساعدانه
يل تسال على اصلي ساعدي انه
اهل نخوه وكَرم واهل الحميه
ــــــــــــــــــــــــــــــــــ
رحيم المالكي
زماني بفركتك حزين .. حزنة
وعلى كل الحزن والنوح .. حزنة
تعال على الدليل وشوف ..حزنة
مغيم ما صفة ومخبوط ميّة
ــــــــــــــــــــــــــــــــــ
احمد الذهبي
وحك هموم البصدري .. والاكراب
الماي بغيبتك صدك .. ولك راب
الي رب اليصبرني .. وألك رب
اليفجعك بالعليهم خنت بيّة
ــــــــــــــــــــــــــــــــــ
احمد الذهبي
تحن الروح كلساعة .. ترف لاك
ومشيت وظلت عيوني .. ترف لك
اذا ما جيتني الليلة .. ترة أفلاك
اسوي وجاينة انصب علية
ــــــــــــــــــــــــــــــــــ
رحيم المالكي
شنفعني الجو يا صحاب .. من خلالي
اخذ ربعي واخوتي .. من خلالي
كثيرة ذيول عبرت .. من خلالي
الزلم واشباههة عبرت علية
ــــــــــــــــــــــــــــــــــ
رحيم المالكي
انة المكسور دومي .. من لحمني
اسد خيوط ربعي .. منلحمني
ابي وما كلت روحي .. من لحم ني
تلحك تستوي وتنطيهة ادية
ــــــــــــــــــــــــــــــــــ
احمد الذهبي
روحي من المصايب .. ناخ ذلهة
شفت عزهة بمذلة .. ناخي ذلهة
اكو وادم تحية .. ناخذلهة
وهي الجتالنة تاخذ تحية
ــــــــــــــــــــــــــــــــــ
حسين الساعدي
سالته اعله المدينه وكال شَطره
وكتبلي شطر بس اشلون شَطره
خله الكَلب بالنص صار شطره
لمن كتب رايح مالي جَيه
ــــــــــــــــــــــــــــــــــ
رحيم المالكي
رحيم المالكي
سلطان على روحي .. من يعللك
يالعاذل بهمي .. من يعللك
لا تمن بدهرك .. من يعلك
ترة بنفخة هوة ترد للوطية
ــــــــــــــــــــــــــــــــــ
احمد الذهبي
علي ما افضل احد .. وانتة افضلك
واهد وافزع واثورن .. وانتفض لك
يبيك شلون خانوا .. وانتة فضلك
عليهم مثل فضل امي علية
ــــــــــــــــــــــــــــــــــ
محمد الغريب
كلبي ما لعب غيرة .. لعابة
واحسن شفة لامراضي .. لعابة
سبحان الذي صاغة .. لعابة
ونفخ بي روح حتة يعم علية
ــــــــــــــــــــــــــــــــــ
محمد الغريب
يمن وجهك بنص الليل .. لالة
شنو امك بالنساوة اشتهت .. لالة
من اكرّب ليك ليش تصيح .. لالة
خايف لا تموع ابين ادية
ــــــــــــــــــــــــــــــــــ
محمد الغريب
امش مملوح غيرك .. يمشي فاهي
وعجز يوصل الوصفك .. يمشفاهي
لون تدنة شفاهك .. يم شفاهي
الزك من تحط جيلات بية
ــــــــــــــــــــــــــــــــــ
محمد الغريب
وحجابك هذا لو قطعة .. من الغيم
ويحفظك يا ترف ربي .. من الغم
دكضني خلصت كصتي .. من الغم
من اشوفنك تصير جنون بية
ــــــــــــــــــــــــــــــــــ
محمد الغريب
من الفرح ما ظل .. شايبانة
ووكتنة من زغرنة .. شايبانة
تشوفيني يعمي .. شايب انة
ابيض راسي بس روحي طرية
ــــــــــــــــــــــــــــــــــ
رياض الحار
صفنتلهة وضربت اخماس .. بسداس
وتعبت على البنيتة وياك .. بسداس
صحيح انة لعبت وياك .. بس داس
غلبتني بطيبتي العمت علية
ــــــــــــــــــــــــــــــــــ
رياض الحار
هاك خيوط روحي .. هاك ابرهة
ولو صاير بحرهة .. هاك برهة
الك حسرة بدليلي .. هاكبرهة
علي ثكلت مثل ثكلك علية
ــــــــــــــــــــــــــــــــــ
حسين الساعدي
شجاني وخذت شوره ابيوم من شار
وشراني طلع ميجوز من شار
انه بلوه ابتليت ابطبع منشار
كَطع دَلالي بالروحه والجيه
ــــــــــــــــــــــــــــــــــ
جبار رشيد
طلبتك ما كلتلي ابشر .. ولا هاك
شلهاك وغيرك عني .. ولهاك
ضميرك لازم يألمك .. والهك
هم يحاسبك باجر علية
ــــــــــــــــــــــــــــــــــ
فاضل كريم
وكلت مرخوص فوك الجسد .. عدي
وجم مرة تزل ونكول .. عدي
احس مرات كل الصوج .. عدي
انة الغلطان رهّيتك علية
ــــــــــــــــــــــــــــــــــ
جبار رشيد
وثيقة بكل فخر كلبي .. وثقلاك
جبل ما شفت باخلاقك .. وثقلاك
الك يرخص دمع عيني .. وثق لك
الكلب لمن يدك يوكع بدية
ــــــــــــــــــــــــــــــــــ
مجهول
صار الكلب كاسك .. وانتة كاسة
والميحبك خسارة .. وانتكاسة
لو العب ابدوري .. وانتة كاسة
اشيلك حتة لو خسران مية
ــــــــــــــــــــــــــــــــــ
جبار رشيد
هاك اشعل كلب كلبي .. ووج هاك
على حالي راح اعلمنك .. ووجهاك
بشالك من تلف شعرك .. ووجهاك
تلف روحي مثل لف المنية
ــــــــــــــــــــــــــــــــــ
رياض الوادي
اعترفت بعضمت لسانك .. وقريت
شمالك عتعتت هسة .. وقريت
انة العلمتة القراية .. وقريت
وهسة يريد يقراهن علية
ــــــــــــــــــــــــــــــــــ
رياض الوادي
عمري تيهيتة وضاع .. سني
كبرت وطاح من كدامي .. سني
شيعي وجيف احبة صرت .. سني
وتيهت الخمس والمرجعية
ــــــــــــــــــــــــــــــــــ
رياض الوادي
مجلّب لا رضة يهدني .. ونهدة
ولا ساعة الرضة نكعد .. ونهدة
ابوس بي من شفتة .. ونهدة
وصلت للصدك بدل علية
ــــــــــــــــــــــــــــــــــ
رياض الوادي
تعال اكعد نصفي الألك .. واللي
وعلية النوب ياهو تريد .. ولي
كلتلة خل ابوسك كال .. ولي
شنو تبوسني تنّك علية
ــــــــــــــــــــــــــــــــــ
حسين الساعدي
اعزاز اعزاز ياما راحوا النه
وعليهم عمري كله راح اونه
اشوفن للشماته راحه والنه
بس القهر والونه الخفيه
ــــــــــــــــــــــــــــــــــ
نائل المظفر
الك مملوء دلالي .. والة هجاء
ونسيت الحجي من شفتك .. ولهجاء
حروف الابج وهوز .. ولهجاء
يدكن لو كتبت اسمك تحية
ــــــــــــــــــــــــــــــــــ
نائل المظفر
جذب جفي بعدكم .. يومي لأحّد
وهواكم وين حدة .. يو ملا حد
انة لو ما اجيكم .. يوم الاحد
الثنين من الصبح لطموا علية
ــــــــــــــــــــــــــــــــــ
نائل المظفر
زاد بكلبي شوكك .. وانتة قل بي
ووصل للراس حبك .. وانتقل بي
احب شلون غيرك .. وانتة قلبي
وانة بكلبي احبن مو بدية
ــــــــــــــــــــــــــــــــــ
نائل المظفر
اكوم اجلالن لحسنك .. واقف لك
واسجل كلبي يا خلي .. وقف لك
واحطك بي واقفلنة .. واقفلك
واطب بصدري واقفلكم علية
ــــــــــــــــــــــــــــــــــ
رحيم المالكي
وياك بلشت بلشة .. يابلاشي
وحسافة طلعت عدك .. يابة لا شيء
بثمن يوسف بعتني .. يا بلاشي
وقميصي اربع جهات انقد علية
ــــــــــــــــــــــــــــــــــ
نائل المظفر
تدري شكد الك كلبي .. ولع ضام
صغار جروحي يهونّك .. والعظام
اموتن وندفن واعتك .. والعظام
يزحفنلك زحف لو صحت الية
ــــــــــــــــــــــــــــــــــ
رحيم المالكي
مدري العيب عندك .. مدري عدي
ومدري غلط عدّك .. مدري عدي
مدري اوكف واطالب .. مدري أعدي
واكولن ينصلح ويرد الية
ــــــــــــــــــــــــــــــــــ
نائل المظفر
السعادة من اجيبنهة .. والافرح
وعلى الخوان راح اصفن .. والف راح
الف عدموه والف سجنوه ..وألف راح
واتاني وما رجع واحد علية
ــــــــــــــــــــــــــــــــــ
رحيم المالكي
وفيت وية الربع محد .. وفالي
وياهم خاب كل ضني .. وفالي
خشب فول الربع وتدج .. وفالي
حديد وحرش كسرتهة من ادية
ــــــــــــــــــــــــــــــــــ
نائل المظفر
بس احنة المصايب .. صاحبنّة
لان كلساعة ندفن .. صاحب النة
ابنة المات محد .. صاح ابنّة
خاف نصيح ويعدمون اخية
ــــــــــــــــــــــــــــــــــ
ستار اللامي
وليت اغم وكتي علي .. ولاج
وصرت لكمة بحللك شمات .. وانلاج
بعض مرات صح انضنك .. ولاج
بس انخي علي تفرج علية
ــــــــــــــــــــــــــــــــــ
ستار اللامي
يلبهمك ملابس .. لابستني
وثوب الحزن بيدك .. لابستني
رحت لا صالحتني .. لا بستني
ولا كتلي جذب حقك علية
ــــــــــــــــــــــــــــــــــ
ستار اللامي
العمر ماي وتبدة كلف .. لمّة
وعلي نكبات هجرت صفت .. لمة
كلتلة شوكت تفرح كال .. لما
اشوف جنازتك تمرك علية
ــــــــــــــــــــــــــــــــــ
ستار اللامي
تسودن دهري وعضني .. برحّاه
واصيح احاه خلاني .. برة احاه
عضتة ما كفت حطني .. براحاه
حنت راحتة وما حن علية
ــــــــــــــــــــــــــــــــــ
ستار اللامي
اريد الزم خديدك .. واشتمنة
واريد انعل ابيك .. واشتمنة
تدري شراد كلبي وشتمنة
على صدرك اموت وهاي هية
ــــــــــــــــــــــــــــــــــ
ستار اللامي
اطلبة وأجة وفّاني .. سواه دين
شدهني وصارت براسي .. سوادين
يحقلي احزن عليك البس .. سوادين
الوجه والثوب اصبغهن سوية
ــــــــــــــــــــــــــــــــــ
ستار اللامي
انة الما يوم خلّة وياك .. خليت
شجاك وبالظهر سجين .. خليت
شعندي وشبعد يا ترف .. خليت
صفة حتة البدي هم موش الية
ــــــــــــــــــــــــــــــــــ
ستار اللامي
اوعي بالضماير ردت .. يوعان
طحت ما شفت واحد كام .. يو عان
بدي وكلت اخوي الجان .. يوعان
مسح حلكة بقميصي وعض ادية
ــــــــــــــــــــــــــــــــــ
ستار اللامي
ساعة الوكت مشراكة .. سعافاي
وعلي بجفاك ما تلحك .. سعافاي
جنت نخلة ويفيي الهم .. سعافاي
وعلى كرصة خبز جيموا بية
ــــــــــــــــــــــــــــــــــ
ستار اللامي
ارضعتني الدنية همهة .. من اهدهة
طحت والطيحة طيحة .. من اهدهة
والله بصدري حسرة .. من اهدهة
ابجّي المن صخر كلبة علية
ــــــــــــــــــــــــــــــــــ
ستار اللامي
البشر معدن تعرفة بيوم .. ينحاك
يوم التوكع ومكسور .. ينحاك
علي خيط المصايب كام .. ينحاك
والتكتلك اخوي الحاكة الية
ــــــــــــــــــــــــــــــــــ
حسين الساعدي
مال اسهر وَصلي مال اَداعي
عليك ويل صدودك ماله داعي
أنه اتحسف دعيتك مالي داعي!
وجيب الما يمر يسأل عليه
ــــــــــــــــــــــــــــــــــ
حسين الساعدي
تنيتك عمر كله اسبوه بس تان
وتان روحي عليك وبقت بس تان
تريد الواحتك يل بيك بستان
وافرهد كل ثمر ناضج بديه
ــــــــــــــــــــــــــــــــــ
حسين الساعدي
أبد ما كَلبي غَير بيك رايه
وشفت بيك ابمنامي أمس رُيه
كأن الحربي انت ارفعت رايه
تعال وخلنه نتعاون عليه
ــــــــــــــــــــــــــــــــــ
حسين الساعدي
عمت عين الزمن لعداك وداك
ونكر ودك هذاك الجان وداك
دواك انفقد ياللاسف والداك
جعل شخصك على افراش المنيه
ــــــــــــــــــــــــــــــــــ
حسين الساعدي
اشتم بالزمن كل يوم والعن
ابسبب نيرانه وسط احشاي ولعين
صادفني اويه حلو الطول والعين
وخله الهل وكت ناري سريه
ــــــــــــــــــــــــــــــــــ
حسين الساعدي
ميهمني الزمن منه اشماته
بس لا ابجي وتعاين شماته
حبيبي من الورد احله شماته
خسرته وجان عطره ابين اديه
ــــــــــــــــــــــــــــــــــ
سمير صبيح
طبع بية ابد ما اذم .. ولاداس
وجدمي ما خطة الشينة .. ولا داس
لذلك ما ربح حضّي .. ولا داس
وصفة حتة الربح خسران الية
ــــــــــــــــــــــــــــــــــ
سمير صبيح
الدنية شكد احبنهة .. وابرهة
تزرفني بمخايطهة .. وابرهة
جاعت ناكتي واكلت .. وبرهة
الدرب طول واخاف ترد علية
ــــــــــــــــــــــــــــــــــ
سمير صبيح
عليمن تحسب اخطائة .. تعد له
الميت بالبجي شتظن .. تعدلة
العوج عودة صعب ظلله .. تعدلة
يظل اعوج لما تلفة المنية
ــــــــــــــــــــــــــــــــــ
رحيم المالكي
العواذل حبلة بية دوم .. طالق
سهم بعيونهم للموت .. طالق
بعد ماخاف كلت للخوف .. طالق
الشجاع يموت والروحة رخية
ــــــــــــــــــــــــــــــــــ
عباس عبد الحسن
المصايب غير كلبي .. مالهنة
وابد عنك يصاحب .. ما لهنة
دمعي عليك الاصلي .. مال اهلنة
ودمع تمساح من تبجي علية
ــــــــــــــــــــــــــــــــــ
رحيم المالكي
بحرك كمت دورتة .. وبرك
بعد ما ينفع ايمانك .. وبرك
اذا مخيط الك نابت .. وبرك
وشم دكن بصدري من الاذية
ــــــــــــــــــــــــــــــــــ
عبد الحسين الحلفي
كبل من اصل طيب .. فرعينة
وهسة العكل طاحت .. فرعينة
الوكت يخزر علية .. فرعينة
درت عنة وبقت عينة علية
ــــــــــــــــــــــــــــــــــ
عبد الحسين الحلفي
يا دنيا وياي بعد وبعد .. جدي
وعلي صيحي بعالي الصوت .. جدي
هجمتي بيت ابوي وبيت .. جدي
وانة بلا بيت شتهجمين الية
ــــــــــــــــــــــــــــــــــ
عبد الحسين الحلفي
أشّفنة من عمرنة .. شفتهمنة
وهمنة كبال عينك .. شفتة همنة
ذبحنة وفوك ذبحة .. شوف تهمنة
يكلهم بالذبح تعبولي ادية
ــــــــــــــــــــــــــــــــــ
عبد الحسين الحلفي
احباب الروح كلبوا فرد .. كلبة
ووكتنة بلون نص الليل .. كلبة
دفعني وانكلبت شلون .. كلبة
وسحكني ومن عثر ضل يسب بية
ــــــــــــــــــــــــــــــــــ
عبد الحسين الحلفي
يدنية كافي دخنة .. شرّطينة
وشرط سجين بيدج .. شرطينة
نشف ماية عمرنة .. شري طينة
دخل يلحك بماية وهاي هية
ــــــــــــــــــــــــــــــــــ
عبد الحسين الحلفي
شفافك عسل وحصتي .. مرة منهن
وكطعلي جلاي سهمك .. من رمنهن
وجم مرة لحكتك .. مرة منهن
مو انتة طلعت وشصار بية
ــــــــــــــــــــــــــــــــــ
حسين الساعدي
من الله الحلو عنده وداعه
ايتقبله الله كل طلبه وداعه
لكن صعب مو هين وداعه
امودعينه ابخت حامي الحميه
ــــــــــــــــــــــــــــــــــ
رحيم المالكي
يكلبي ما نفع تعبك .. ولا رباك
وحصتك صارت الدوخة .. والارباك
بطريقك بعد ما اعاين .. ولا ارباك
من اطيعك هم تردني الحفر حية
ــــــــــــــــــــــــــــــــــ
سمير صبيح
روحك هم مثل روحة .. بها ون
وتدور عالفرح كاعد .. بهاون
جبت عمري مثل كهوة .. بهاون
يدك والنار عين الهة علية
ــــــــــــــــــــــــــــــــــ
رحيم المالكي
لان دكات شماتي .. بهاماي
وشل لا تظن عيني .. بها ماي
اذا عالذل رضة يبصم .. بهامي
اكطعة ان جان يرضالي بردية
ــــــــــــــــــــــــــــــــــ
سمير صبيح
اسكت لا تظل تشكي .. بهاماك
وتلوم الروح وتعضعض .. بهاماك
اخذ طبع النخل وارفع .. بهاماك
واذا بالطين عركك هاي هية
ــــــــــــــــــــــــــــــــــ
رحيم المالكي
انة الواضح والمبين .. ولا خاف
وانة الما رجفت جدامي .. ولا اخاف
وانة الما نكص وزني .. ولا خف
اختفيت وخفت خف وزن العلية
ــــــــــــــــــــــــــــــــــ
سمير صبيح
حميتك دافعت عنك .. ورحماك
الطعن اهون ولا الوذن .. ورة حماك
كلت اوليك ما اعوفك .. ورحماك
وليت وطيبتي العمت علية
ــــــــــــــــــــــــــــــــــ
رحيم المالكي
حبيبي جروح الك بالروح .. حالن
وامس جنت احسن من اليوم .. حالن
اريدك تنتخيلي وتمر .. حالن
باجر وين ما تلحك علية
ــــــــــــــــــــــــــــــــــ
سمير صبيح
مهلة انطيني واصبرلي .. لعلماك
اخاف تكول ما يدري .. لعلماك
انة السارية الواكف .. لعلماك
من اطيح تطيح خركة على الوطية
ــــــــــــــــــــــــــــــــــ
رحيم المالكي
اتّنخة تريد اجيك اليوم .. بالحال
وانت اعرف حبيب الروح .. بالحال
شمحلهة وياك ما تقتنع .. بالحل
ادليك الدرب وترد علية
ــــــــــــــــــــــــــــــــــ
سمير صبيح
الحزن لايك على كلبي .. ويا فت
فت حيلي ومعا شوفي .. ويا فت
عبّت وانتهت كلش .. ويا فت
اشم بالذيل والراس البلية
ــــــــــــــــــــــــــــــــــ
سمير صبيح
طبعك مو شجي وكتلك .. شجي آني
شجنيت وياك شو كللي .. شجاني
امس جنت انحضن وانشم .. شجاني
كنفذ والحضن حسرة علية
ــــــــــــــــــــــــــــــــــ
سمير صبيح
نهر خيري طفح لتكول .. زل ماي
شجاهة وما تردلي الثار .. زلماي
يمشيني على راية شلون .. زلماي
ولا جني ابن حامي الحمية
ــــــــــــــــــــــــــــــــــ
حسين الساعدي
إمن ايدك قيدتها الروح بسلاك
الفرح الهم صفه والحزن بس لك
ادري ابلا مرض يل طحت بسلاك
لان ياخوي نضرتهن بليه
ــــــــــــــــــــــــــــــــــ
تراث شعري
طار وما كلت للناس .. عالطار
وشسولف عالجرح بالكلب .. عطار
جنت وياك شايل خلك .. عطار
طفل ما تشتري وتلعب علية
ــــــــــــــــــــــــــــــــــ
جبار رشيد
حبيبي بيا بخت وياي .. شديت
وعدة هجرك الي شقدمت .. شديت
باصبعك حتة تذكر خيط .. شديت
انحصر دمك ولا فكرت بية
ــــــــــــــــــــــــــــــــــ
جبار رشيد
مشغولين بيمن .. من شغلكم
ولو مو شغلي هذا .. من شغلكم
بعد ما راح ابيجي .. ومنشغلكم
اموتن راح واخصمهة القضية
ــــــــــــــــــــــــــــــــــ
جبار رشيد
اليحبونك لصدك .. لا تسلهم
وابد عن سبب حبك .. لا تسلهم
من احجي وياك عفية .. لا تسلهم
احس تاخذ الروح بغير جية
ــــــــــــــــــــــــــــــــــ
صباح الهلالي
بسواد العين يسمر .. من ترابي
شعجب كلبك تغير .. من ترى بي
انة ما ظن ترابك .. من ترابي
حضنتك والعسل جلّب بدية
ــــــــــــــــــــــــــــــــــ
صباح الهلالي
سلالتكم نسب يوسف .. نسبهة
الدنيا بلاية نضراتك .. نسبهة
الوادم مية بالمية .. نسبهة
بس نسبة جمالك سبعمية
ــــــــــــــــــــــــــــــــــ
رحيم المالكي
عليك الليل كلة .. انة وانة
ومعاك العتب هسة .. ان اوانة
اتهدد بالنفاهة .. انة وانة
وينك مو طفك دهري علية
ــــــــــــــــــــــــــــــــــ
عريان سيد خلف
نبي ونجبر خواطر .. من يبينة
وسر موج البكلبي .. منية بينة
اذا مرة انتخينة .. من يبينة
نهد العالية بعلو الثرية
ــــــــــــــــــــــــــــــــــ
عريان سيد خلف
العلية غير اهلهة .. من علاهة
وروحي خسة الكللك .. من علاهة
بعزم الله نخلتي .. من علاهة
يراموهة بحجر وتظل سخية
ــــــــــــــــــــــــــــــــــ
رحيم المالكي
انة روح الليالي .. مرسنهة
اصيلة انتة تعرفهة .. من رسنهة
سيوفي مغمدتهة .. مرة اسنهة
ركاب عداي مبردهن وادية
ــــــــــــــــــــــــــــــــــ
عريان سيد خلف
اعلل بالوصى وروحي .. علني
سوالفكم بدلالي .. علني
ليالي الجنت صادرهن .. علني
وغدت عجلة مخالبهن علية
ــــــــــــــــــــــــــــــــــ
عريان سيد خلف
يكلبي شكثر يحمل بعد .. يملاك
تعدى والعقل بالصبر .. يملاك
ابن ادم لو ملك قارون .. يملاك
وبلا اخلاق ما ينشرب مية
ــــــــــــــــــــــــــــــــــ
كرار
الشوك وياك صدفة .. قابلاني
وشيجري علي منك .. قابل اني
تقشمرني بضحكتك .. قابل اني
غشيم وتعبر الضحكة علية
ــــــــــــــــــــــــــــــــــ
حسين الساعدي
صرت مكسور ماجن ونتخلك
لا تحرك ابروحك وانت خَلك
يوم الطحت وحدك وانته خلك
تشفه ابطيحتك قبل المنيه
ــــــــــــــــــــــــــــــــــ
عبد الحسين الحلفي
ها تعبي حبك .. ها اذاني
دخت اه يا صلاتي .. هاي اذاني
اكول التوبة ما احب .. هاي اذاني
اهد ذاني ويرد حبك علية
ــــــــــــــــــــــــــــــــــ
عبد الحسين الحلفي
عسل وبحلكي وكتي .. مر جعلكم
ومرجعكم بكلبي .. ومرجع الكم
جنت آية بهواكم .. مرجع الكم
خذيتوا منين فتوة وخنتو بية
ــــــــــــــــــــــــــــــــــ
عريان سيد خلف
وحك البالمهد ربة .. وحالة
الدنية وياي للهامة .. وحالة
صديقي هد علي جلبة .. وحالة
الجلب رد وصديقي الهد علية
ــــــــــــــــــــــــــــــــــ
عريان سيد خلف
تكتر لانة من وشرك .. وصنفاك
وتأدب من تحاجيني .. وصن فاك
انة الصعدك باية .. وصنفاك
جبل لو صرت ما تعلى علية
ــــــــــــــــــــــــــــــــــ
عريان سيد خلف
اتلعثم من اشوفك .. وسطكانة
ومنو الوشوش بذانك .. واسطكانة
تكللي وينك انتة .. وسطكانة
دور عالنبض تعثر علية
ــــــــــــــــــــــــــــــــــ
يوسف السوداني
حجلهة على الدرج بذني .. تشرشال
وعليهة يلوك من تصعد .. تشر شال
نابليون اظن جدهة .. وتشرشال
غزت كلبي بحربهة العالمية
ــــــــــــــــــــــــــــــــــ
حسين الساعدي
كض سجين والدلال وَذره
واخذ وياك من اتروح وِذره
لون انطحن وسط الريح وذره
ارد انجمع بس تسأل عليه
ــــــــــــــــــــــــــــــــــ
حسين الساعدي
دارك خاليه اتحسر شمرها
وبعادك دمعة من عيني شمرها
وطعم دنياي من بعدك اشمرها!
مرارتها أمر من المنيه
ــــــــــــــــــــــــــــــــــ
حسين الساعدي
عُشر حزن الحزنته ترى فاتاك
ويمن سهر الفتتني كون فتاك
إذاَتدري بعيونك سهم فتاك
ليش اتفوت وتعاين عليه
ــــــــــــــــــــــــــــــــــ
عبد الحسين الحلفي
بست وجه التراب وكمت .. عناي
الك يللي كطعت الوصل .. عناي
افز فزة حياية التفز .. عالناي
بحلم لو مر صدة صوتك علية
ــــــــــــــــــــــــــــــــــ
ستار اللامي
دكافي من البعد يا ترف .. بس بس
من البذنك عن الهجران .. بس بس
كبل تركض تجي لو صحت .. بس بس
شجاك شغيرك هسة علية
ــــــــــــــــــــــــــــــــــ
ستار اللامي
قبل عنكود خدك .. يمي داني
سطست وجفن عينك .. يم ايدي اني
اغم كصتي واكولن .. يمداني
يمي وما خذت ثاري بدية
ــــــــــــــــــــــــــــــــــ
ستار اللامي
بدمع عيني كتبتلك .. خاطر انة
والك ما يوم كاسر .. خاطر انة
غير انتة تجيني .. خاطر انة
اجيلك معتني زحوف على ادية
ــــــــــــــــــــــــــــــــــ
رياض الحار
الرقي صار الجنابك .. برتقالي
وعلى الحاضر حويتة .. برتقالي
اذا انتة مزاجك .. برتقالي
تكتر لا تذب ضيمك علية
ــــــــــــــــــــــــــــــــــ
حسين الساعدي
شعوري بيك مني اتضيع شاعر
يل بحساسي ماظن يوم شاعر
انجنيت ابهواك وصرت شاعر
مثل قيس اويه ليلة العامريه
ــــــــــــــــــــــــــــــــــ
مجهول
قطار الباك حسنك .. مر عداني
اووباء الون اخبرك .. مر عداني
ولك سجين بعدك .. مرعداني
وكمت بجفاك اون اني علية
ــــــــــــــــــــــــــــــــــ
مجهول
هلة يالكل عشرتي وياك .. ماسات
واسكر لو شفاي شفاك .. ماسات
الك خدين بيض تكول .. ماسات
من ابوسك ينعكس وجهي علية
ــــــــــــــــــــــــــــــــــ
شاكر التميمي
الكلب سلمتة بيدة .. واردة منة
وحال الثكلى حالي .. واردة منة
اجتني بيوم صوغة .. وردة منة
طبت ماظل بعد كل مرض بية
ــــــــــــــــــــــــــــــــــ
حيدر الساعدي
كلبي شم عطر خدج .. ورا ساج
وعلى مرمى العشك حطج .. وراساج
احلف بالعشك واهلة .. وراساج
ما اعوفج لون تدنة المنية
ــــــــــــــــــــــــــــــــــ
علي الفريداوي
حضر سويت لاجلك .. من حضرتك
ونسيت انتة وكفتي .. من حضرتك
ورة خشمك تكللي .. من حضرتك
حضرتي ان جنت امر تاخذ تحية
ــــــــــــــــــــــــــــــــــ
مجهول
علي نظرتك بالشر .. لحسمنك
ومثل يوم بحياتي .. لحسمنك
لون مرة تصحلي .. لحسة منك
سنة السكر يظل مرتفع بية
ــــــــــــــــــــــــــــــــــ
مجهول
طحت والكلت مد ايدة .. جر يدة
وصرت مثل النخل جني .. جريدة
حبيبي اذا يحب يقرة .. جريدة
الجريدة تكوم تقرالة القضية
ــــــــــــــــــــــــــــــــــ
مجهول
قصر بكلبي الك شيدت .. ماخان
وعليك الصوت عالي وابد .. ما خان
نادو خانك وناديت .. ما خان
وفي بردة طرف ماخان بية
ـــــــــــــــــــــــــ
عريان سيد خلف
اذوبن لو عيونك علي .. تنصاد
وشما توصل لحي مصدود .. تنصاد
اذا انتة التعرف الناس .. تنصاد
اذن انة الغشيم شلون بية
ـــــــــــــــــــــــــ
عريان سيد خلف
لساني كبال حلو الطول .. لك لك
واحذرك لا تكول النوب .. لك لك
لغيرك ما يصير الكلب .. لك لك
لان انتة شراكة وياي بية
ـــــــــــــــــــــــــ
عريان سيد خلف
البدر لاح بجبينة .. والا ليلة
وفر هذا البشعرك .. والا ليلة
عشت ليلة بحياتي .. والله ليلة
غلط بيهة القدر واهداك الية
ـــــــــــــــــــــــــ
عريان سيد خلف
علي سهام وكتي النوب .. ينجال
وما ظل عدل بالميزان .. ينجال
سألتة لحم اخوك الميت .. ينجال
يكللي الوكت شرعا حلة اللية
ــــــــــــــــــــــــــــــــــ
عريان سيد خلف
هلة اغاتي تكلم .. من عبيدك
وهذا الهوة اليسري .. منعة بيدك
اغاتك وارد اصيرن .. من عبيدك
ولو ذلة على اسم الهاشمية
ــــــــــــــــــــــــــــــــــ
عريان سيد خلف
تصدك لاني من وشرك .. وصنفاك
وتأدب عاد وي غيري .. وصن فاك
انة الصعدك باية .. وصنفاك
شلون تبيع مالاتي علية
ــــــــــــــــــــــــــــــــــ
عريان سيد خلف
الندم لا ينفع بوشرك .. ولاساف
ولساني ما غلط مثلك .. ولاساف
تظن عالي ؟ واشوفنك .. ولاساف
اقل من اثر شاة على الوطية
ــــــــــــــــــــــــــــــــــ
حسين الساعدي
الزمن استاذ والعالم طلابه
وحبك سحر دلالي ان طلابه
اشوفك جاي وتدور طلابه
أنه استسلم واقيد بيدي اديه
ــــــــــــــــــــــــــــــــــ
مجهول
على دوم الليالي تلف .. وتدور
ولاجلك رخصيت الذهب .. والدر
احبك من زمان الدار .. والدور
شعجب لمن كبرنة تخون بية
ــــــــــــــــــــــــــــــــــ
مجهول
عشكتك من زغر سنك .. ويهلك
اليحبك ليش يتعذب .. ويهلك
اغار عليك من تمشي .. ويهلك
لجن وية الغريب شلون بية
ــــــــــــــــــــــــــــــــــ
رحيم المالكي
ترف يالصورك ربك .. من العين
اخاف عليك من تمشي .. من العين
انا معذور يمدلل .. من العن
ابوك الخلفك للناس اذية
ــــــــــــــــــــــــــــــــــ
هيثم سعود
اللي موال خلي .. بستكانة
وشكر ذابت شفافك .. بستكانة
امس بالطيف كتلة .. بستك انة
من اهد ما كتلة ما راضي علية
ــــــــــــــــــــــــــــــــــ
هيثم سعود
بابي الما نهر جفك .. من اندك
ودعاني انة لو دهري .. من اندك
حنطة وطبعي اظل واكف .. من اندك
اغزر بالوفي وبالطبعة بية
ــــــــــــــــــــــــــــــــــ
حسين الساعدي
دك الباب بيده وصاح من هان
انه الموجود كتله الدرب من هان
ترى اليغدر صديقه ايعيش منهان
ويبقى ابذلته اليوم المنيه
ــــــــــــــــــــــــــــــــــ
حسين الساعدي
النصيحه اتفيد من اهل الديانا
اشخذت وياهه من ماتت ديانا
اعتبر متدين ايامك دايانا
وتراضي الخالقك قبل المنيه
ــــــــــــــــــــــــــــــــــ
حسين الساعدي
بالحب خويه ما تنفع كُباره
طيحهم سوى ازغاره وكباره
جنت بارد صفت نارك كَباره
وتضل طول العمر نارك سريه
ــــــــــــــــــــــــــــــــــ
رحيم المالكي
انعة عليك صدك .. منعة منك
ومنحت الكلب يرفض .. منعمنك
طامع بية ثاري .. من عمنك
شور الكلب بيدك مو بدية
ــــــــــــــــــــــــــــــــــ
هيثم سعود
هام العكل من شوكك .. وجن بيك
وشبيه الكمر من يضون .. وجن بيك
ابوسك لو يحبسوني .. وجن بيك
اوامر من وزير الداخلية
ــــــــــــــــــــــــــــــــــ
رحيم المالكي
عليك الدمع ما بطل .. وجاري
هلي ملو كثر نوحي .. وجاري
العلي ما صار بالدنية .. وجاري
صديجي والعدو طبكو علية
ــــــــــــــــــــــــــــــــــ
رحيم المالكي
يدنية بلومي وشكواي .. حسي
وعن وجهي غبار الضيم .. حسي
اظل اصرخ واصيح بعلو .. حسي
لما تحسين يا دنية علية
ــــــــــــــــــــــــــــــــــ
رحيم المالكي
اغيم وامطر وانخبط .. وصفة
على اللي راح مني وتاه .. وصفة
حبيبي وجان اللي البلواي .. وصفة
اشك الجفن لو مر طيفة بية
ــــــــــــــــــــــــــــــــــ
رحيم المالكي
عليك الروح تسـأل .. ما تسلهة
وتدري انتة العواذل .. ماتسلهة
شمتاني سيوفك .. ما تسلهة
اذا للضيج مر الضيج بية
ــــــــــــــــــــــــــــــــــ
جبار رشيد
ماشاء واظن اليوم .. شالاك
واحس الكلب فوك الراس .. شالاك
على شعرك لون ذبيت .. شالاك
تذب عالروح طركاعة وبلية
ــــــــــــــــــــــــــــــــــ
رحيم المالكي
مكاطف والمصايب .. رجة رجة
علي وبراسي صارت .. رجة رجة
هلي وخلاني ماكو .. رجة رجة
الغرب حنت ولا حنوا علية
ــــــــــــــــــــــــــــــــــ
حسين الساعدي
مالك يازمن وياي مالك
قسيت اوياي جني اسرقت مالك
أنه ابدنياي بس الحزن مالك
وانتَ اترادف البلوه عليه
ــــــــــــــــــــــــــــــــــ
محمد الغريب
الدنيا شكثر تطلبني .. لها دين
ولها رجلين طكّني .. ولها دين
لون غيرة وشرف عدهة .. ولها دين
جا ما شاخ بيهة ابن الردية
ــــــــــــــــــــــــــــــــــ
رحيم المالكي
يسامي الجيت ابشرك جيب .. بشراك
بحقل الغام روحي صفت .. بشراك
انة مدوهن وبية تلوم .. بشراك
يعمي الطعن بالميت خطية
ــــــــــــــــــــــــــــــــــ
حسين الساعدي
قطعة من القمر لو شال ردنه
وما نفترق ساعه ابيوم ردنه
يربي ازغار أنه اوياه ردنه
حتى ابلا حرج نلعب سويه
ــــــــــــــــــــــــــــــــــ
محمد الغريب
يمن طيفك ببيب العين .. مر ضاي
انة بغيرك لون بالحور .. مرضاي
انة هم العلية وسبب .. مرضاي
فراكك والشماتة الكصت بية
ــــــــــــــــــــــــــــــــــ
رحيم المالكي
اكو وادم بخت ماكو .. ولا حظ
اخافن كمت من عدهم .. ولاحظ
يشامت عاين الحالي .. ولاحظ
صرت عودان وامشي على الوطية
ــــــــــــــــــــــــــــــــــ
محمد الغريب
انة بخلكي فلا ظلت .. وساعة
على حضي الما ثمر تعبة .. وساعة
اعارك بالوكت ساعة .. وساعة
اسلم للوكت واشكف بدية
ــــــــــــــــــــــــــــــــــ
رحيم المالكي
رشيق الطول كال بشعر .. صفنة
وجمالك بالشعر يحتاج .. صفنة
بطولك من تجي وتصير .. صفنة
صفر ينطونة وينطوك مية
ــــــــــــــــــــــــــــــــــ
محمد الغريب
اثكل يا خفيف الدم .. ولك عن
همومك طبعن بكلبي .. ولكعن
الك شعر الاخذ عقلي .. ولك عين
احسنهة تشتم والدية
ــــــــــــــــــــــــــــــــــ
نشأت الخالدي
خنتي وكلتي مو اني .. بلا انتي
مو طركاعة بية انتي .. بلة انتي
الوكت صفر الج ضدي .. بلانتي
شجاج انتي وضربتي الكول بية
ــــــــــــــــــــــــــــــــــ
نشأت الخالدي
لفراكك جمر ابجي .. ونيران
يالوجهك يشع رحمة .. ونيران
تمنيت العراق انتة .. وانا ايران
وحدودك دوم فاتحهن علية
ــــــــــــــــــــــــــــــــــ
صباح الهلالي
اختلفنة بأولياء الله .. وضعنة
واحنة الساس للدنية .. وضعنة
صدك ما نغير من .. وضعنة
شرط الا تحط ايدك بدية
ــــــــــــــــــــــــــــــــــ
حسين الساعدي
زماني حَضر اسهامه ونَشاب
وغزاني الشيب يايمه وأنه شاب
وقهرني اليضحك ابناري وانه شاب
لا يسكت ولا ايلحك عليه
ــــــــــــــــــــــــــــــــــ
ناظم الحاشي
أسلم ما ترد مالك .. عسلماي
وبيك يصير من هجرك .. عسة الماي
دكللي الندة البشفافك .. عسل ؟ ماي؟
حليب ودرتة شفافك علية ؟
ــــــــــــــــــــــــــــــــــ
عبد الحسين الحلفي
محبتك كهربتني .. شارة بيهة
وحجة كلبي وية عقلي .. شارة بيهة
محبتك جنهة سيد .. شارة بيهة
علة غيرك باوعت شورت بية
ــــــــــــــــــــــــــــــــــ
عبد الحسين الحلفي
شقة ما عندة كلش .. كدوطنة
كبر شيب واصبح .. كد وطنة
بوطنة انصب جادر .. كد وطنة
وقرينة الفاتحة ومتنة سوية
ــــــــــــــــــــــــــــــــــ
عبد الحسين الحلفي
الوجود شفرقة كللي .. من عدمنة
وشمل منع التجول .. منع دمنة
وتدري ليش احنة .. منعدمنة
لان موتة نولدنة على الوطية
ــــــــــــــــــــــــــــــــــ
عبد الحسين الحلفي
العتب عالكتب هالدستور .. عالسن
بوطنة زعلت الضحكات .. عالسن
انعلسنة والشعب معلوس .. عالسن
وقفلتة ونعلس قفل الابوذية
ــــــــــــــــــــــــــــــــــ
عبد الحسين الحلفي
امك تنعة وانة انعة .. نعة متين
وجيتك نعمة والضحكة .. نعمتين
شفافك تين لتكللي .. نعم تين
اخاف تكول ويموعن خطية
ــــــــــــــــــــــــــــــــــ
عبد الحسين الحلفي
عدل صوبك جدامي .. جر عدل لك
وادليك بحجي المر .. جرعة دلك
اثكل كافي بسك .. جر عدل لك
زعلت لتجر عدل حقك علية
ــــــــــــــــــــــــــــــــــ
عبد الحسين الحلفي
بسراية العشك روحي ..وكصرت لك
ونفس وكت المزامط .. وك صرت لك
طويل واعلى منك .. وكصرتلك
حتى تلوحني من تبوس ادية
ــــــــــــــــــــــــــــــــــ
عبد الحسين الحلفي
خطية اسمك على اسمك .. ماشخطنة
ازدحام احنة على دربك .. ماشي خطنة
شتظن من كد حلاتك .. ما شخطنة
اليشوفك ينشخط مية بالمية
ــــــــــــــــــــــــــــــــــ
حسين الساعدي
عليهم حشمت يمه وساده
الحرير العدهم املون وساده
وحصيره املك وجاكيتي وساده
لفوني وفرهدوهن من اديه
ــــــــــــــــــــــــــــــــــ
نائل المظفر
امتحنتك ردت اجربنك .. صح تحل
تشد جرحي واذا شفته .. صحة تحل
بعدني ما طحت يمك .. صحت حيل
لو طايح صدك شسوي بية
الابوذيات من اعداد alawe albagdade
ليست هناك تعليقات:
إرسال تعليق
اترك تعليقا ... رايك يهمنا ...يسعدنا تفاعلكم بالتعليق
حريّة الرد متاحة للجميع بشرط الا تكون الردود خارج نطاق الموضوع وأن تكون خاليه من الكلمات البذيئة. يرجى عدم نشر روابط إشهار حتى ينشر التعليق.
تذكّر قول الله عز وجل (ما يلفظ من قول إلا لديه رقيب عتيد) .